Ղազախստան 2025. 1850 կենդանի և մեկ ընդհանուր նպատակի շուրջ

2025 թվականի հունիսի 17-ից հուլիսի 11-ը «Շունն ու Կատուն» անասնաբուժական կլինիկայի թիմը մասնակցեց միջազգային բարեգործական ակցիային՝ Ղազախստանի տարբեր քաղաքներում կատուների և շների անվճար վիրահատական ստերջացման (կաստրացիայի) նպատակով։ 25 օր շարունակ, վեց բնակավայրերում՝ Տեքելի, Թալդիկորգան, Տալգար, Մընբաևո (ԴՕՍ), Ժեզքազգան և Բալխաշ, մեր թիմը կատարեց 1850 վիրահատություն։ Թափառող և տնային կենդանիներ, արու և էգ, կատուներ և շներ — յուրաքանչյուրը յուրովի կարիք ուներ օգնության։

Կաստրացիան պարզապես վիրահատություն չէ։ Դա պատասխանատու միջոցառում է, որը թույլ է տալիս վերահսկել կենդանիների թվաքանակը մարդասիրական ճանապարհով։ Կաստրացիան օգնում է կանխել անցանկալի սերունդը, նվազեցնում ագրեսիվ վարքը, և կանխում է վարակների տարածումը։ Թափառող կենդանիների դեպքում դա երբեմն միակ ճանապարհն է՝ մնալու իրենց տարածքում՝ չհարուցելով կոնֆլիկտներ մարդկանց հետ։ Կաստրացիան նշանակում է հոգատարություն, ցավերի նվազում և երկար ու առողջ կյանք։

Ակցիան իրականացել է Ֆրանսիայի Fondation Brigitte Bardot և Գերմանիայի Tierschutz Entwicklungshilfe e.V. միջազգային կազմակերպությունների աջակցությամբ՝ տեղական կառույցների, կամավորների և վարչական մարմինների հետ համագործակցությամբ։ Աշխատանքներին մասնակցել են մասնագիտացված անասնաբույժներ, անզգայացնող բժիշկ, օգնականներ ու կազմակերպիչներ, որոնցից շատերը արձակուրդը նվիրեցին այս նախաձեռնությանը։ Բոլոր մասնակիցները աշխատել են անվճար, միմիայն նվիրումով։

«Շունն ու Կատուն» կլինիկան ներկայացված էր երկու մասնակիցներով։ Վիրահատող անասնաբույժ Աննա Պինկուսը հարյուրավոր կենդանիների է վիրահատել՝ դրսևորելով բարձրակարգ մասնագիտություն և խնամք։ Կլինիկայի տնօրեն Վասիլի Մալյուկովը հանդես է եկել որպես համակարգող և կամավոր՝ օգնելով ինչպես կազմակերպչական, այնպես էլ առօրյա աշխատանքներում։ Մեզ համար սա պատիվ էր՝ լինել նման նախագծի մաս։

Ակցիայի ընթացքում տեղի բժիշկներն ու կամավորները հնարավորություն ունեցան ուսուցման և պրակտիկայի՝ իբրև շարունակական զարգացման երաշխիք։

Շնորհակալություն բոլորին, ովքեր կանգնած էին մեր կողքին։ Շնորհակալություն այն մարդկանց, ովքեր օգնել են, աջակցել են, խոսք են ասել։ Եվ շնորհակալություն կենդանիներին՝ վստահության համար։ Մենք արեցինք հնարավոր ամեն ինչ։

🐾 Միասին մենք փոխում ենք աշխարհը՝ մեկ վիրահատությամբ, մեկ քայլով։