"Տոները առանց արտակարգ դեպքերի": արագ հիշեցում տունը կենդանիներով

Շնորհավոր Սուրբ Ծնունդ և շնորհավոր անցած տոները 🎄

Այսօր, 07 հունվարի, մենք վերադառնում ենք աշխատանքային ռեժիմի: Եվ այո, եթե ինչ-որ բան սխալ գնա, մենք մոտ ենք - ավելի լավ է զանգել ու ճշտել, քան հետո պայքարել հետևանքների հետ:

Տոները նշանակում են տոնածառ, հյուրեր, հյուրասիրություններ - և մի քիչ ավել ռիսկեր կենդանիների համար: Ստորև պարզ checklist է, որը հաճախ փրկում է նյարդերն ու երբեմն էլ կենդանու առողջությունը:

• Միշուրա և "անձրև"

Կատուների և լակոտների համար սա "լապշա" է, որ շատ ուզում են փորձել: Կուլ տալու դեպքում կարող է առաջացնել աղիքային անցանելիության խանգարում և նույնիսկ վիրահատության անհրաժեշտություն: Եթե տեսնում եք, որ կենդանին բերանից քաշում է թել կամ միշուրա, ուժով մի քաշեք - կարող եք վնասել աղիքները: Ավելի ճիշտ է անմիջապես զանգել:

• Տոնածառի ջուրը

Տոնածառի հիմքի ջուրը արագ դառնում է "կոկտեյլ" փոշուց, բակտերիաներից և երբեմն էլ ծառը թարմ պահելու համար ավելացվող նյութերից: Փակեք հասանելիությունը (ծածկեք հիմքը), իսկ խմելու մաքուր ջուրը թողեք կենդանու սովորական տեղում, որպեսզի նա չընտրի "տոնածառի ջուրը" մաքուր ջրի փոխարեն:

• Մոմեր, լույսեր, ուժեղ բույրեր

Մոմերը այրվածքի և հրդեհի ռիսկ են: Լույսերի լարերը հաճախ կրծվում են, ինչը կարող է վնասվածք կամ էլեկտրահարություն առաջացնել: Իսկ արոմադիֆուզորներն ու էթերային յուղերը կարող են գրգռել շնչուղիները, հատկապես կատուների մոտ: Պարզ կանոն - այն ամենը, ինչ վառվում է, ուժեղ հոտ է տալիս կամ թարթում է, թող լինի միայն Ձեր վերահսկողության տակ:

• Շոկոլադ, ոսկորներ և "տոնական սեղան բոլորի համար"

Շոկոլադը թունավոր է թե շների, թե կատուների համար: Եփած ոսկորները (հատկապես հավի) ճեղքվում են սուր կտորների և կարող են վնասել մարսողական ուղին: Յուղոտ սնունդն ու "մի քիչ սոուս" շների մոտ հաճախ դառնում է պանկրեատիտի պատճառ: Եթե ուզում եք հյուրասիրել, նախապես պատրաստեք անվտանգ կենդանու snack և պայմանավորվեք հյուրերի հետ - սեղանից չենք տալիս:

• Ալկոհոլ

Նույնիսկ փոքր քանակը վտանգավոր է: Կարող է առաջացնել թունավորում, շաքարի անկում և մարմնի ջերմաստիճանի վտանգավոր նվազում: Հետևեք բաժակներին, մնացորդներին և թափված հեղուկին:

• Հրավառություններ և սթրես

Բարձր պայթյունները շատ կենդանիների մոտ իրական խուճապ են առաջացնում: Հենց այդ պահին կենդանիները ամենաշատն են փախչում: Օգնում է` փակ պատուհաններ և դռներ, հանգիստ "անվտանգ սենյակ", խիտ վարագույրներ, ֆոնային երաժշտություն, զբոսանք միայն կապիչով, և հասցեաթուղթ/նշան օձիքին: Եթե կենդանին նախկինում ուժեղ սթրեսի դեպքում դեղորայքային աջակցություն է պահանջել, դա պետք է քննարկել և ընտրել նախօրոք, ոչ թե խուճապի պահին:

• Պատուհանները օդափոխության ռեժիմում և ճեղքեր

Սա առանձին կետ է, որովհետև սեզոնային "դասական" պատմություն է: Օդափոխության ռեժիմով բաց պատուհաններն ու ճեղքերը վտանգավոր են, կատուն կարող է սեղմվել, կպչել կամ ընկնել: Եթե օդափոխում եք, վերահսկեք և օգտագործեք ամուր ցանցեր ու անվտանգության բլոկատորներ:

Վետկլինիկա "Շունն ու Կատուն" (Վանաձոր)

Հասցե Թումանյան փողոց 7 Հեռախոս +374 55 895-495

Աշխատանքային ժամեր երեքշաբթի - շաբաթ, 11:00-19:00 Կիրակի և երկուշաբթի փակ է

Հոգ տարեք Ձեր մասին և Ձեր պոչավորների մասին: Եթե ինչ-որ բան պատահի - մենք կապի մեջ ենք։