Դիլիջանի փողոցում փոքրիկ շունը մարած հայացքով հազիվ էր կանգնում թաթերի վրա։ Հրանտ Մաչարյանը նկատեց նրան և որոշեց օգնել։ Նա չէր կարող ինքնուրույն շանը հասցնել կլինիկա, և օգնության եկավ տաքսու վարորդ Վաչեն։ Հենց նա էլ Կոկոյին զգուշորեն բերեց մեզ մոտ։
Ինչու շտապ վիրահատություն պահանջվեց
Կոկոն անտարբեր էր, ախորժակ չուներ, աչքերն արցունքակալում էին։ Զննումն ու ուլտրաձայնային հետազոտությունը ցույց տվեցին պիոմետրա և աճուկային ճողվածքներ։ Ամեն ժամը կարևոր էր, ուստի որոշեցինք նրան շտապ վիրահատել։
Վիրաբույժները հեռացրին բորբոքված արգանդը և վիրահատեցին երկու աճուկային ճողվածքներն էլ։ Վիրահատությունը հաջող անցավ։
Վիրահատությունից հետո առաջին օրերը
Մի քանի օր անց Կոկոն աշխուժացավ. սկսեց ուտել, ավելի ուշադիր նայել շուրջը և կրկին հետաքրքրվել կյանքով։
Կոկոյին օգնած մարդիկ
Մենք Կոկոյի բուժումը համաֆինանսավորեցինք ավելի քան 35 000 դրամով։ Շնորհակալ ենք Հրանտին, որ անտարբեր չանցավ, և Վաչեին, որ Կոկոյին հասցրեց կլինիկա։ Նրանց օգնությամբ Կոկոն ժամանակին ստացավ անհետաձգելի բուժումը։
Մեկնաբանություններ
Դեռ մեկնաբանություններ չկան։